Suknaan: Gibalik-balik ni Atty. Marcelo Bacalso nga ang Misa karon sa Bag-ong Misal dili na balido?

Suknaan

Bro. Socrates Fernandez

Retrieve from: http://www.bagonglungsoranon.com/2011/05/ang-dakong-kausaban-nga-gihimo-sa-novos-order-sa-misa-karon-sama-niini-ang-orihinal-nga-mga-pulong-sa-ikaduhang-bahin-sa-konsagrasyon-%E2%80%9Chic-est-enim-calix-sanguinis-mei-novi-et-aeterni-testa/

 

PANGUTANA:

Ang dakong kausaban nga gihimo sa Novos Order sa Misa karon, sama niini ang orihinal nga mga pulong sa ikaduhang bahin sa konsagrasyon: “Hic est enim Calix Sanguinis mei, novi et aeterni testamenti; mysterium fidei; qui pro vobis et pro multis effundetur in remissionem peccatorum” (M.R.VI, 1). “Kini mao ang kalis sa akong dugo sa bag-o ug tunhay nga testamento; misteryo sa pagtuo; giula alang sa kapasayloan sa inyong mga sala ug sa daghan. . .” Ang giusab dinhi mao ang pro multis alang sa daghan giilisdan sa bag-ong Misa ug pro omnibus ug alang sa tanan. . . ug gikuha pa gayud ang Misteryo sa Pagtuo. Ug suma sa Quo Primum nga iya ni Papa Pio V, dili na balido ang maong Misa kay giilisdan man ug gikuhaan. Mao ra ba ni ang gibalik-balik ni Atty. Marcelo Bacalso nga ang Misa karon sa Bag-ong Misal dili na balido, ug ang katawhan, wala makasimba sa tinuod nga Misa kay inbalido man. Tinuod ba ang iyang gipamahayag? (Carlos Pastorite, San Isidro, Talisay City, Cebu)

 


TUBAG:

Ang opisyal nga panudlo sa Simbahang Katoliko bahin niini nag-ingon: Tungod kay kini bahin man sa Liturhiya o sa Santos nga Misa kon dunay kausaban ang husto nga makahubad niini mao ang Santo Papa, ang Konsilyo sa mga Obispo kauban niya o sa Santo Papa lamang (New Code of Canon Law no. 333:2-3). Ug ang gilagda ni Papa Pio V sa iyang panahon nga nahimong balaod o lagda sa Misa, sa bahin nga dili essential sa Misa, kini mahimo nga mausab sa nagsunod nga papa.
Ang lagda sa mga Pulong sa Balaang Konsagrasyon mao ang gilatid sa Simbahang Katoliko nag-ingon: “The Sacrament is not confected if any ommission or change in the form changes the meaning of the form. If the celebrant adds anything to the form but without thereby altering the meaning of the words, he confects the Sacrament. . . To omit the words Mysterium fidei in editions of the Misal or in the celebration of the Mass is gravely illicit” (Holy Office: July 24, 1958). Ug ang pag-ilis sa mga pulong “alang sa daghan,” ngadto sa “ug alang sa tanan”. . . wala gayud mausab ang form kun sa lintunganay sa Misa. Sa paghalad ni Jesus sa Kalis sa record ni San Marcos gigamit niya ang “tanan”, “Mikuha siya sa Kalis ug miingon, panginom kamong TANAN. Kini mao ang akong dugo sa Bag-ong Testamento nga giula alang sa daghan,” (San Marcos 24:4). Si San Mateo migamit sab sa “alang sa tanan”, ug sa nagkupot sa kalis, mihimog pasalamat ug mihatag kanila, nga naga-ingon: “Panginom kamong tanan niini. . .” (Mat. 26:27). Ug si San Pablo mipasabot nga ang maong kaambitan sa Kalis ug sa Pan, “Sanglit, kay KITA DAGHAN usa kita ka tinapay, usa ka lawas; kay KITANG TANAN naga pakig-ambit niadtong usa ka Tinapay (1 Corinto 10:17). Gipaila ni San Pablo, ang kitang daghan nagkahulogan usab nga kitang tanan, apan walay labot sa tanan kadtong way pagtuo ug dagkong makasasala nga wala maghinulsol.
Busa giingon: “If the celebrant adds anything to the form without, thereby altering the meaning of the words, he confects the Sacrament. . .” Ang celebrante sa Misa nga nagdugang sa pulong apan wala makausab sa kahulogan niini, nahingpit niya sa pagsaulog ang Misa.
Ug ang Mysterium Fidei, Kini ang Misteryo sa Pagtuo, wala wagtanga sa Bag-ong Misal anaa gihapon, human og litok sa pari sa Konsagrasyon iisa niya ang Kalis Katawhan ug ipahiluna niya sa Panapton, moluhod siya ug miingon: KINI ANG MISTERYO SA PAGTUO. . .
Busa sa tin-aw, walay nausab sa lintunganay diha sa Novos Order kun sa Bag-ong Misal nga gigamit sa atong mga kaparian karon. Busa balido ang atong mga Misa diin kita nagasimba. Ug pangahas sa pagpangilog sa gahom sa Santo Papa, kadtong moingon nga ang mga Misa sa Novos Order dili balido. Kay ang atong mga Papa sa modernong panahon nagpahayag nga ang atong MISA karon balido gayud.

4 thoughts on “Suknaan: Gibalik-balik ni Atty. Marcelo Bacalso nga ang Misa karon sa Bag-ong Misal dili na balido?

  1. hello!,I actually like your writing so a whole lot! percentage we keep up a correspondence extra about your write-up on AOL? I call for an expert on this location to unravel my difficulty. Possibly that’s you! Taking a look ahead to appear you.

  2. I could have got sworn I’ve been to this website prior to however after examining via some of the post I recognized it’s not used to me personally. Anyway, I’m definitely happy I found that and also I’ll become book-marking as well as examining back again regularly!

  3. Good day! I just would like to give a huge thumbs up for the great info you could have here on this post. I will probably be coming back to your weblog for extra soon.

Leave a Reply

Your email address will not be published. Required fields are marked *

This blog is kept spam free by WP-SpamFree.